Այսօր, փետրվարի 12-ին բնագիտա-տեխնիկական ստուգատեսի վերջին օրն էր: Առավոտյան ընդհանուր պարապմունքից հետո գնացինք հրաձգարան, որտեղ ընկեր Գոհարը մեզ սովորեցրեց հրացանից օգտվելու անվտանգության և ճիշտ կրակելու կանոնները: Այնուհետև եղանք աստղացուցարանում: Ընկեր Էմանուելը ներկայացրեց մի շատ հետաքրքիր տեսանյութ:
Անմիջապես հետո սկսվեցին բաց պարապմունքները: Առաջինը քիմիայի լաբորատորիայում մասնակցեցինք բաց դասին, որտեղ միջին դպրոցի սովորողների հետ կատարեցինք փորձ՝ խառնուրդից ստացանք մաքուր նյութեր: Սուսաննա Սահակյանը շատ հետաքրքիր դաս անցկացրեց, որից հետո ալցելեցինք ֆիզիկայի լաբորատորիա, որտեղ Գայանե Մխիթարյանը մեզ սովորեցրեց՝ ինչպես են չափում մարմնի ծավալը, զանգվածը և խտությունը:
Իսկ հետո սկսվեց բնագիտա-տեխնիկական ստուգատեսի ցուցադրությունը՝ փորձեր, փորձեր ու էլի փորձեր…
Օրն ամփոփեցինք մարմարյա սրահում մեդիաուրբաթով, որից հետո հրաժեշտ տվեցինք՝ հանդիպելու ակնկալիքով:
Ներկայացնում են Սպիտակի «Շողեր» և «Արևաշող» ռոբոտաշինության և Վանաձորի ռոբոտաշինության խմբերի անդամները:
Անահիտ Եղյան 
1 комментарий в “Բնագիտա-տեխնիկական ստուգատես 2016. Օր 5-րդ”