Ըստ ծրագրի մենք պետք է հաղթահարեինք Ուխտասարի բարձունքը, բայց եղանակի անբարենպաստ պայմանները թույլ չտվեցին: Գյուղի բնակիչները մեզ առաջարկեցին հաղթահարել այն բարձունքը, որտեղ գտնվում է Թանահատի վանքը (Կարմիր վանք): Նրանք մեզ ուղեկցեցին դեպի այդ վայրը: Նախ պետք է հաղթահարեինք գետը, մեզ օգնեցին ավագ դպրոցի ընկերները: Այնուհետև բարձունք, փորձություններ և, իհարկե, հաղթանակ…
Ամեն ինչ շատ բարեհաջող անցավ: Վերադարձին կանգ առանք այն վայրում, որը համարվում է աշխարհի տիեզերքի կենտրոնը՝ Քարահունջ՝ Զորաց քարեր: Երեկոյան վերադարձանք դպրոց: Մեզ դիմավորեց Իշխանասար գյուղի դպրոցի տնօրեն հմայիչ Լիանա Պետրոսյանը: Մենք ներկայացրեցինք մեր կրթահամալիրը, ծանոթացրեցինք Հեղինակային կրթական ծրագրերի աշնանային ամենամյա ստեղծագործական 9-րդ հավաքին, հրավիրեցինք՝ մեզ հետ համագործակցելու, մասնակցելու տոնացույցով նախատեսված տոներին: