Օրը շարունակեցինք՝ ճանապարհվելով դեպի Դսեղ: Լոռվա բնաշխարհը, ինչպես միշտ, գեղեցիկ էր:
Եղանք Թումանյանի տուն-թանգարանում, ծանոթացանք նրա կյանքի, ստեղծագործելու պատմությունների հետ, կարդացինք Թումանյան:
Այդ օրը նախատեսել էինք ճաշել բնության գրկում: Ընտրեցինք հարմարավետ տարածք Լոռվա բարձունքում, իսկ ընկեր Իվետան տարերքի մեջ էր իր համեղ կերակուրներով ու, ինչպես ասում էր մեր կրտսեր ընկեր Հասմիկ Պողոսյանը, այլընտրանքային շերեփով: Մաքուր օդ, ախորժելի բույր, քաղցած փորիկներ ու……..ԲԱՐԻ ԱԽՈՐԺԱԿ:
Երեկոյան մի խմբով զբոսնեցինք Վանաձորեում, մյուսները խաղադաշտում ֆուտբոլ էին խաղում: Շատ հագեցած օր էր, որն էլ ավարտվեց համեղ ընթրիքով:
Անահիտ Եղյան 